ਮਸਾਲਾ ਚਿਕਨ ਫ੍ਰਾਈ
<ਜ਼ਰੂਰੀ ਸਾਮਾਨ>
ਅੱਠ ਦੱਸ ਚਿਕਨ ਪੀਸ
ਇੱਕ ਪਿਆਜ ਸਲਾਈਸ ਕੱਟਿਆ ਹੋਇਆ
ਪੰਜ ਛੇ ਕਲੀਆਂ ਲਸਣ ਕੱਦੂਕਸ ਕੀਤੀ ਹੋਈਆਂ
ਪੰਜ ਹਰੀ ਮਿਰਚ ਕੱਟੀ ਹੋਈ ਬਰੀਕ
ਦੋ ਨਿੰਬੂ ਰਸ
ਇੱਕ ਟਮਾਟਰ ਗੋਲ ਅਕਾਰ ਵਿੱਚ ਕੱਟਿਆ ਹੋਇਆ
ਦੋ ਕੱਪ ਬੇਸਨ
ਇਕ ਛੋਟਾ ਚਮਚ ਲਾਲ ਮਿਰਚ ਪਾਊਡਰ
ਇਕ ਛੋਟਾ ਚਮਚ ਜੀਰਾ ਪਾਊਡਰ
ਦੋ ਚਮਚ ਹਰਾ ਧਨੀਆਂ ਕੱਟਿਆ ਹੋਇਆ
ਪੰਜ ਕਰੀ ਪੱਤਾ
ਚਾਰ ਚਮਚ ਤੇਲ
ਨਮਕ ਸਵਾਦ ਅਨੁਸਾਰ
<ਵਿਧੀ>
ਸਭ ਤੋਂ ਪਹਿਲਾਂ ਚਿਕਨ ਪੀਸ ਵਿੱਚ ਕਿਸੇ ਸਲਾਈ ਦਾ ਕਾਂਟੇ ਵਾਲੇ ਚਮਚ ਦੀ ਮਦਦ ਨਾਲ ਸੁਰਾਖ ਕਰ ਲਓ,ਜਿਸ ਨਾਲ ਇਸ ਦੇ ਅੰਦਰ ਮਸਾਲਾ ਚਲਾ ਜਾਵੇ।
ਹੁਣ ਚਿਕਨ ਨੂੰ ਨਮਕ, ਲਾਲ ਮਿਰਚ ਪਾਊਡਰ ਅਤੇ ਨਿੰਬੂ ਦੇ ਰਸ ਨਾਲ ਮੈਰੀਨੇਟ ਕਰੋ ਤੇ ਫਰਿਜ਼ ਵਿੱਚ ਤਕਰੀਬਨ ਇੱਕ ਘੰਟੇ ਲਈ ਰੱਖ ਦਓ।
ਇੱਕ ਬਾਉਲ ਵਿੱਚ ਬੇਸਨ, ਹਰੀ ਮਿਰਚ, ਪਿਆਜ਼, ਲਸਣ, ਕੜੀ ਪੱਤਾ, ਹਰਾ ਧਨੀਆਂ ਅਤੇ ਜੀਰਾ ਪਾਊਡਰ ਪਾਓ ਫਿਰ ਥੋੜ੍ਹਾ ਜਿਹਾ ਪਾਣੀ ਮਿਲਾ ਕੇ ਪੇਸਟ ਬਣਾ ਲਓ।
ਇਸ ਵਿੱਚ ਚਿਕਨ ਪੀਸ ਪਾ ਕੇ ਚੰਗੀ ਤਰਾਂ ਲਪੇਟ ਲਓ। ਹੁਣ ਇੱਕ ਪੈਨ ਵਿਚ ਤੇਲ ਪਾ ਕੇ ਮੀਡੀਅਮ ਆਂਚ ਤੇ ਰੱਖੋ, ਜਦ ਤੇਲ ਬਿਲਕੁਲ ਗਰਮ ਹੋ ਜਾਵੇ ਤਾਂ ਇਸ ਵਿਚ ਚਿਕਨ ਪੀਸ ਨੂੰ ਫ੍ਰਾਈ ਕਰੋ।
ਚਿਕਨ ਨੂੰ ਦਸ ਪੰਦਰਾਂ ਮਿੰਟ ਹੋਲੀ ਆਂਚ ਤੇ ਪਕਾਓ।
ਲਓ ਜੀ ਤਿਆਰ ਹੋ ਗਿਆ ਹੈ ਫਰਾਇਡ ਚਿਕਨ, ਇਸ ਨੂੰ ਪਿਆਜ਼ ਤੇ ਟਮਾਟਰ ਨਾਲ ਸਰਵ ਕਰੋ।
No comments:
Post a Comment